„ბუნკერი“ არის სოციალური სადისკუსიო და როლური თამაში გადარჩენის შესახებ. დედამიწაზე მოხდა გლობალური კატასტროფა. ერთადერთი გადამრჩენელი თავშესაფრის (ბუნკერის) ტევადობა შეზღუდულია და მასში მოთამაშეების მხოლოდ ნაწილი ეტევა. თამაში გათვლილია 6-დან 15 მოთამაშემდე. თქვენი მიზანია დებატებისა და არგუმენტების მეშვეობით დაარწმუნოთ სხვა მოთამაშეები, რომ სწორედ თქვენი პერსონაჟი არის ყველაზე სასარგებლო ბუნკერის გადასარჩენად და ახალი ცივილიზაციის ასაშენებლად.

ბუნკერის ადგილების რაოდენობა:

მოთამაშეები	6-7	8-9	10-11	12-13	14-15
ადგილები ბუნკერში	3	4	5	6	7

რაუნდების მიმდინარეობა და მახასიათებლები:

თამაში შედგება რაუნდებისგან. ყოველ რაუნდში მოთამაშეები რიგრიგობით ხსნიან თავიანთ მახასიათებლებს. მახასიათებლების გახსნის რაოდენობა შეზღუდულია დაგროვებითი ლიმიტებით:

მოთამაშეები	რაუნდი 1 (სავალდებულო პროფესია)	რაუნდი 2	რაუნდი 3	მე-4-დან მე-7 რაუნდამდე
6	3	3	2	—
7-8	3	2	2	თითო რაუნდში 1
9-10	3	2	1	თითო რაუნდში 1
11-12	2	2	1	თითო რაუნდში 1
13-15	2	1	1	თითო რაუნდში 1

• რაუნდი 1-ის შეზღუდვა: პირველ რაუნდში იხსნება მხოლოდ პროფესიის ბარათი და სხვა არაფერი.
• დებატების ფაზა: ყოველი მახასიათებლის გახსნის შემდეგ მოთამაშეს ეძლევა დრო საკუთარი პერსონაჟის წარსადგენად.

ხმის მიცემა, 70% ბარიერი და თავდაცვა:

• რაუნდის გამოტოვება (Skip): პირველ რაუნდში მოთამაშეებს შეუძლიათ ხმა მისცენ რაუნდის გამოტოვებას (skip). თუ skip-მა გაიმარჯვა, ამ რაუნდში არავინ გაირიცხება, მაგრამ მომდევნო რაუნდში მოხდება ორმაგი გაგდება.
• 70% ზღვარი და თავდაცვის ფაზა: კენჭისყრაზე ყველაზე მეტი ხმის მიმღებ მოთამაშეს, თუ მან მიიღო საერთო ხმების 70%-ზე ნაკლები, ეძლევა 30 წამი თავის დასაცავად (თავდაცვის ფაზა), რის შემდეგაც ტარდება ხელახალი კენჭისყრა. თუ მოთამაშემ მიიღო ხმების 70% ან მეტი, იგი გაირიცხება თავდაცვის ფაზის გარეშე.
• თანაბარი ხმები (კენჭისყრის ფრე): ხმების გაყოფისას (Tie) იწყება ბონუს-თამაში (ეტაპი 1): კანდიდატებს ეძლევათ 30 წამი თავის დასაცავად და ტარდება ხელახალი კენჭისყრა მხოლოდ მათ შორის. თუ ხმები ისევ გაიყო (ეტაპი 2): ეძლევათ დამატებითი 30 წამი. თუ ამის შემდეგაც ხმები თანაბრად გაიყოფა: პირველ რაუნდში რაუნდი გამოიტოვება (სკიპდება), ხოლო სხვა რაუნდებში ორივე კანდიდატი ავტომატურად გაირიცხება ბუნკერიდან.

სპეც-ბარათების გამოყენების წესები:

მოთამაშეს შეუძლია გამოიყენოს თავისი სპეციალური ბარათები თამაშის ნებისმიერ ეტაპზე.
1. გააქტიურება: ბარათის გამოყენებისას მოთამაშემ ხმამაღლა უნდა თქვას: „სტოპ თამაში! მე, მოთამაშე [სახელი], ვიყენებ სპეც-ბარათს...“ და წარადგინოს ეფექტი.
2. კატეგორიები: ყველა სპეც-ბარათი დაყოფილია 5 ძირიწად ჯგუფად:

• 👤 ერთი მოთამაშის მახასიათებლის შეცვლა
• 👥 ყველა მოთამაშის მახასიათებლის შეცვლა
• ⚙️ კატასტროფის, ბუნკერის ან საკვების შეცვლა
• 🔄 მახასიათებლების გაცვლა და ქურდობა
• 🛡️ ხმებისგან დაცვა და სპეც-ბარათების გაუქმება

ყურადღება: იმუნიტეტის ბარათის გამოყენება ბოლო (მე-7) რაუნდში დაბლოკილია!